Working Holiday必讀！

Working Holiday必讀！ 人生只此一次，有些事現在不做，以後都不會做了（甚或想做都無得做），例如…

Working Holiday必讀！然後怎樣？

人生只此一次，有些事現在不做，以後都不會做了（甚或想做都無得做），例如去Working Holiday（工作假期）。地方去得愈多、世面見得愈廣，就愈發現愈多地方未踏足過、愈多人情世故未見識過。人生很吊詭，因此戀棧一個叫做「Comfort zone」的地方，才最危險。

自2001年起，本港先後與新西蘭、澳洲、愛爾蘭、德國、日本、加拿大、韓國及法國簽訂「工作假期計劃」雙邊協議；去年全年共有10576人獲批有關簽證，比2011年上升達56%，相信升勢將持續。

不少人對Working Holiday趨之若鶩，有人甚至毅然辭職去浪蕩天涯。「哎呀，你份工做得咁好，咁大犧牲就係為咗去耕田？」「你少爺仔/ 大小姐一個人搞得掂架拿？」更殺風景的是「值得咩？」出發之前，總有無數人問無數次。

回來了，一樣會被無數人問無數次︰「我地對你呢年Working Holiday好有興趣，可唔可以分享下當時點解有呢個決定？有咩得著？」尤其是去見工的時候。有些更刁鑽︰「你會唔會覺得自己白白浪費咗呢一年？」「你呢年我地唔計落工作經驗。」甚至「我有朋友都去過，無非係逃避工作同現實，我明白。」

大家千萬別「中伏」！最不知所謂的回應例如︰
- 唔知架！想去咪去囉。
- 我嗰時一早想唔做嗰份工，借啲倚咪去Working Holiday，唔使返工嘛。
- 最開心係完全唔使負責任。
- hea咗一年，我最鍾意hea。
- 第一次買單程機票，感覺原來咁爽。

事實上，對於Working Holiday，一般僱主及HR均抱開放態度，部分更認為年輕人經歷過磨練，對日後工作及待人處事都有正面影響。面試時向求職者提問，主要想了解求職者的思維、成熟度和穩定性等。

要三言兩語概括1年（甚至2、3年）的經歷和得著，當然考工夫。以下有7大「後Working Holiday」求職攻略︰

關於CV、求職信
1/ CV中，毋須特別贅述Working Holiday的成行原因、過程或得著，在「工作紀錄」一欄簡單填上即可；
2/ 求職信亦不必煞有介事強調箇中經驗，除非與應徵工作關係密切；

關於見工面試
4/ 開誠布公︰切忌支吾以對，令對方疑心是否有所隱瞞；
5/ 講故事︰被問到Working Holiday種種，不妨以說故事的形式交代，既能加強面試的趣味性，亦能藉此爭取印象分；
6/ 多角度︰個別專業工作技能、人際關係、溝通技巧、情緒智商、開闊眼界等是「例牌菜」；進階是標誌出出發前後的對照，藉以表現「知道自己做緊咩」、自省能力、人生目標等「自我推銷」關鍵；而終極目標是……
7/ 打蛇隨棍上︰把握機會將討論重點帶到自我優勢上，如對應徵公司或職位的興趣、可作出的貢獻等。

一句講晒︰出發時，不管是美其名「發掘人生可能」自我放逐，還是再型再無腳雀仔一點，純粹貪玩純粹想hea都可以，年輕嘛！（利申︰絕對沒有鼓催大家不負責任、逃避現實的意思）；不過回來了，就唔該變成熟踏實——至少，被問到「點解有呢個決定？過程中有咩得著？」時，要答得大方得體。

CTgoodjobs（http://www.ctgoodjobs.hk）

作者 職場達人

 

Article from : http://hk.news.yahoo.com/blogs/goodjobs/working-holiday%E5%BF%85%E8%AE%80-%E7%84%B6%E5%BE%8C%E6%80%8E%E6%A8%A3-021941367.html