點解我總係無拖拍？

  

當你見到人哋成雙成對時，你或者會慨嘆地問自己，點解我好難墮入愛河？
如果你覺得愛神同你總係無緣，可能是由以下5個情況引致：

1. 遇上錯的人
當你不停同條件不符合自己真正心意嘅人約會，當然唔會愛上佢哋。有啲人成日有拖拍，唔係因為佢哋特別可愛、受歡迎，好可能係因為佢哋經常令自己遇上對的人，而唔會將時間浪費喺唔符合自己擇偶條件嘅人身上。

2. 你的社交生活有問題
回想你近兩個星期認識咗幾多新嘅朋友？當你長期都係同同一班「舊」好友，甚至只係同好姊妹hang out的話，試問又點會撞到Mr.Right？唔好話Mr.Right，咁樣連新嘅女性朋友都識唔到啦！
擴闊圈子，開放自己，先可以俾新機會流入生活。下次同好友出去飲嘢嘅時候，唔好只顧望住自己嘅朋友滔滔不絕，眼神要留意一下周圍嘅人，展露出友善嘅眼神同表情，將自己訓練成令人覺得容易/願意接近嘅人。

3. 你沒有愛情戀上癮
對於不易戀上的你，呢個或者係一個好嘅原因，因為有啲人會用拍拖嚟逃避家庭不和，或其他個人問題，所以特別需要「戀愛」，有需要，自然會將注意力、努力集中喺想要嘅事情上了。
你唔容易墮入愛河，有可能係因為你對自己生活各方面都感到滿足，唔急於找拖拍，其實咁都唔係一件壞事呀！

4. 你的擇偶條件太苛刻
如果你已經定期俾自己認識新朋友一段日子，但仍然無結果，你可能需要諗吓會唔會係因為你內心嘅擇偶條件太苛刻，嚴重收窄咗「Mr.可能」的範圍。
如果你嘅答案係「yes」，就務必要同自己嘅潛意識協調一下。方法好簡單，理性地列出合理嘅客觀條件，喺心裏講一次，等潛意識記住調整咗嘅擇偶條件。下次遇見新朋友時，輕輕提醒自己要有開放、探索的精神。Free your mind！

5. 你太清楚自己的需要
好多人等好耐好耐都唔會隨便拍拖，但當佢遇上一個佢認為係合適嘅戀愛機會時，就唔會俾佢溜走，因為佢太清楚自己理想中嘅戀愛對象條件係咩，所以一直以來唔願意退而求其次。呢類型嘅人可以話係寧缺莫濫。
清楚目標係好事，但一定要搞清楚自己有無犯上要求太苛刻嘅毛病。而且有時候過分嚴肅，約會仲未開始已經喺度衡量對方係唔係結婚對象，咁樣實在太沉重了！
 

Related Articles: 

令你依然單身的5個錯！

單身男女無拖拍的4大原因！

擺脫單身必勝法

More from CosmoGirl!
由愛情到性、美容到時裝，盡在 cosmogirl.com.hk








Article from : http://hk.lifestyle.yahoo.com/%E9%BB%9E%E8%A7%A3%E6%88%91%E7%B8%BD%E4%BF%82%E7%84%A1%E6%8B%96%E6%8B%8D-101003675.html