「以後，你見到你鍾意嘅藝人，你主動啲同佢講“除褲＂啦...」
「搵食啫，犯法呀？」
「我有一份工...叫做陰工...」
「做工呢家嘢...不在乎天長地久...只在乎有無得“透”」
「若要人不知...唔好咁低B」
「如果你没有時間談情就請你跟我露營 」
「卸咗妝後仲認得叫做化妝，認唔嘅叫做喬裝」
「基本上男人係做到三個不，不主動、不抗拒、最重要我地係不負責嘅。」
「我第一次戀愛之前，我嘅小龍女只需要一個條件，就係靚，我知我咁樣諗好膚淺，但係嗰陣時我仲細，唔知道原來身材都好重要架。」
「錯就要認！要對方認！！」
「你好巴閉咩？我夠有3個C咯，CHEAP、CHEAPER、CHEAPERPER」
「你愛的，得唔到，你唔愛的，你甩唔到。」
「鞠躬盡瘁死而後已，If I try so hard, I will die afterwards」
「百佳呢個名改得好，甘大間鋪頭只係得100樣野係佳。呢D咪叫做謙虛囉～」
喺公司，老闆會同我講：
「你番黎唔係訓就係去廁所，你當呢度係屋企呀，呢度係公司呀。」
我番到屋企，阿媽又會話：
「你仲當呢到係你屋企咩，你番黎唔係霸住個廁所就係剩係識得訓！」
「咁...咁我番屋企又唔訓覺又唔去廁所，番公司又唔去廁所唔訓，咁我呢Ｄ野去邊到做呀？」
「不過後黎我諗過自己又係過份啲嘅，於是我就痛改前非，以後番屋企我就剩係訓覺，番公司就剩係去廁所。」
「我非常欣賞鄧小平嘅黑貓白貓，捉到老鼠就是好貓。」
「我老友阿雄個老婆生仔，生左個黑人出嚟，我都係咁對佢講：黑仔丶白仔，快高長大就係你個仔啦！」
「喺愛情之中，女人最偉大！男人慨犧牲，就爲咗追求美麗；而女人慨犧牲，就只係得到一個麻甩佬！而最偉大嘅係佢哋根本唔覺得係犧牲。」
「處男係冇資格自殺嘅！」
「啲老闆成日話啲員工做野都唔攞個心出來，激死人。啲員工就成日話老闆都唔攞舊金出來，洗死人。」
「你返去同日本人講～～～釣魚臺我哋中國的！」
「啲猪扒令到我哋啲男人好唔安樂，不過就令到你哋啲女人好快樂。」
「當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我仲偉大過偉大嘅藝術家，因為我知道，我死後都唔會受到尊重。」
「人類有人類自己嘅食物鏈，人類嘅食物鏈簡單好多，只有三種。最下層係無產，中層係中產，頂層係X家產！」
圖片：黃子華Facebook官方專頁
Article from : https://hk.celebrity.yahoo.com/news/男神黃子華開騷啦--經典金句重溫-023535649.html
沒有留言:
張貼留言